زرعت ما احبه ولا عاد لي فيه !!

[الزقرتي]

http://hawaaworld.net/files/23270/darkbarup.gif

محـــــــــــمد الحويماني شاعر له بصمة خاصة
في عالم الشعر اليوم اخترت لكم قصيدة من طابع اخر
كلمات لامست الوجدان وحركت الاحاسيس
بل ايقضت جراحات الازمنة خيال ووصف وعتاب وعزة نفس
وفلسفة شعريه تفنن بها الحويماني

ليت الورق يقرا وش اللي كتب فيه
وليت القلم يدري وش اللي جرابه

إن كان ماتمسي بصدري مشاريه
ولاتضايق لوتضيق الرحابه

وصوتي اللي عجزت الناس توحيه
غريب يوم أصوات غيري تشابه

البيت بيتك والمواري مواريه
لكن كبرت ولا كبر معك بابه

والناي لو نقض جروحك بأغانيه
جروح غيرك نقضتها ربابه

ماهو يتيم كنت أنا اللي ايغنيه
ولا هو فقير كان جرحي زهابه

والغايب اللي يغري الشعر طاريه
ماقل قدره لو يطول غيابه

كم لي ونا أحث القصايد تخليه
حتى تلاشت رغبتي بالكتابه

الشعر لو يفقد حروفه واساميه
مدري وش اللي بعدها ينبغابه

احترت بين اعتب عليه واراضيه
أخاف لا يجرح واظاهي بعتابه

أحيان أقول أبيه وأحيان ما أبيه
إلا أبيه ولو يبي لي عذابه

يلي تجونه دامني مقدر اجيه
وصوا ذهابه لا يشح بإيابه

وقولوا له إني من كثر ماني أغليه
اشرب سرابه وارتوي من سرابه

وعلى كثر مانسى إذا قلت ناسيه
دار الزمان وجاب عشقه وجابه

حنيت لأيامه وضحكة لياليه
قبله وبعده كل وقتي رتابه

إلمت قلبي عاقبتني محانيه
وان قلت أبا ارضي عز نفسي رقابه

البارحه قلت اكسر البوح وانهيه
كان الورق ارض وعيوني سحابه

زرعت ما حبه ولا عاد لي فيه
وجنيت أحبه لو يطول غيابه

تقبلو ا اارق التحااياا والتقدير

http://hawaaworld.net/files/23270/darkbarup.gif[/poem]