يآلـيـت تـسـكـت مآتكلم ولا حرف

[نوآف العنزي]

صبحكم الله بالخير



اولا وقبل كل شي يسعدني اني اطلعكم على همي وبوحي واشرككم هواجيسي وافكاري
ثانيا يسعدني اكثر اني اتلقى توجيهاتكم وانتقـاداتـكم برحـابة صـدر واريحـيه...
اليكم القصيده...






ياليـت تـسكت ماتكـلم ولا حـرف
مادامـني ساكـت ومادمــت هــادي

مبـطي وانا متحملك ياادعـج الطـرف
واقـول في بعـض المواضيـع عـادي

من علم عيـون المحـبيـن للـذرف
ومن يكتـب اللي منـدفن في فـؤادي

اشـيا كثـيـره ماتـبـرر ولا اعـرف
سـرك ولـكـن حلهـا بأعتـقـادي

في مـثل هالحـاله وفي مـثل هالظــرف
نكتـب نهايــه للزعــل والعـنـادي

تـدري وش الـلي يجـبر القلـب يالتــرف
انـي عـلـى ماقـيـل راعــي مبــادي

ولا انـت من حفـره تدربيـت فـي جرف
ماكنـت تـسـمع كـلـمتـي وانتـقــادي

وشـفـيك سـاكت ماتـكـلم ولا حـرف
هي صـدمة المـوقـف تخـليـك هـادي!!؟؟



تحيتي

نوآف

[وسن]

حياك نواف ... وقصيدة رائعة ...
بثبتها أعلى القصائد ... كم يوم ... تقبل تحياتي ..

[نوآف العنزي]

هلآ والله وغلآ بالغآليه العنود

الله يسلمك يالغلا ومشكورهـ مآقصرتي

الله يعطيك العافيه غلاتي

[نورة المغربية]

قصيدة رائعة فعلا تسلم اخوي نواف

[دمعة شوق]

كلمات راااائعه اخوي نواف

[الطريفي]

الله الله يانواف لله درك يالوايلي صح لسانك وسلم بنان فكرك