يــا بــــدو

[النداوي]

يابدو ياللي من ورى العرق نجاع

لافيه لاباب(ن) ولا فيـه طاقـه



البيد صحصح ولتواصيفه انواع

والرجل فعله للمعرفه بطاقه


ياقيض يامضما يامشتا يامرباع

الاربعه الها معاكم علاقه


والصيده اللي في نظركل طماع

من دونها نقطع على كل ساقه


ياعيطموس الشعر وحرفه جياع

لمداعبات الفكر من عقب فاقه


مير ادها باعين وذراع وذراع

اقرب مسافه في حدودالصداقه


كذا كذا مكشوف لاستر واقناع

آدم وحوى والرفاقه رفاقه


والطير ياهل الطير صايد وطلاع

عذروبه انه كنه موس الحلاقه


يابنت فكري الثريا على القاع

ماضيعت قلبي مداوير ناقه


من منطق الاقناع ياعقل الاقناع

تبقى الدقاقه في زمنا دقاقه


الطبع يغلب من تطبعه الاطباع

لودم عرقه لجل الاحباب راقه


والشعر لامنه دخل بيت الابداع

هو مزبنه عن مدعين الحماقه

[وسن]

شحلى من كلام وشعر النداوي ؟؟؟؟
ومن طول الغيبة جاب الغنايم .. وانت غبت وجيتنا بأحلى قصيدة
وتشكر عليها

[^بمبوسه^]

الطبع يغلب من تطبعه الاطباع

لودم عرقه لجل الاحباب راقه

والشعر لامنه دخل بيت الابداع

هو مزبنه عن مدعين الحماقه



الله الله يا النداوي كلمات فعلا صعبة وتركيبة الشعر فيها روووووووووعة

فعلا معنى كبير من شاعر كبير

صح لسانك وتسلم ايدينك وبانتظار جديدك على أحر من الجمر

[النداوي]

شكرأ اختي العنود فديتج وصح بدنج

[النداوي]

صح بدنج اختي بمبوسه الله لايحرمنا من طلاتج الحلوه

[^منورررا^]

الطبع يغلب من تطبعه الاطباع

لودم عرقه لجل الاحباب راقه

والشعر لامنه دخل بيت الابداع

هو مزبنه عن مدعين الحماقه

ألف شكر أخي النداوي كلمات قمه في الإبداع

[النداوي]

صح بدنج وشكرأعلى المرور اختي ولاهنتي فديتج

[kamalhob]

يابنت فكري الثريا على القاع

ماضيعت قلبي مداوير ناقه


من منطق الاقناع ياعقل الاقناع

تبقى الدقاقه في زمنا دقاقه


الطبع يغلب من تطبعه الاطباع

لودم عرقه لجل الاحباب راقه


والشعر لامنه دخل بيت الابداع

هو مزبنه عن مدعين الحماقه

ألف شكر أخي النداوي كلمات جميل جداااااااااا

[النداوي]

مرورك اجمل اخي العزيز