من همس القوافي الي فارس الريشة

[النداوي]

ياخال أنا قلبي ترى اليوم خفاق
في داخلي سرن ولاهوب منطوق


تسري بي همومي على كل مشراق
يشفق على حالي سقيمن ومشفوق


ازريت ياخالي على وزن الاطراق
ولاقد خبرت النفس قد عاقها عوق



مير الوزن ياخال ماهوب ينطاق
اما يجي بالطيب والا ألزمه احقوق

[فارس الريشة]

ابشر بعزك يالنداوي

هذا ردي عساه يعجبك

عاد لاتقول اني ماني شاعر ..

ياللي شكيت لخالك اوضاع وأشفاق****** عساه خير وكل ماراح ملحوق

فزيت لك مشتاق من عمق الأعماق ***** فرحه وله ينبض بها كل معلوق

من واهجً بالصدر يشعل كما شعال براق **** ولا النفل لما أختلط فيه زملوق

فيضة نباتً عشبها تو مافاق ****متخالطاً نبت الخزامى برقروق

وأنا على الوقفات صابر وتفاق **** أصبر ولو صدري من الهم محروق

يروقلي من طيب القول ماراق **** جواهرً مخزونها وسط صندوق

والكيف سوقه يأبيض الوجه ينساق***** خلك ثقيل ولا تجي رجل مطفوق

فارس عطاك الرد مع طلع الإشراق **** معا طلوع النور والشمس بشروق

للهرج ذوق وزبدة الهرج مالاااق**** وانا لغير الكيف والطيييب ماذوووق

وسلم وسلملي على مدمج الساق **** الجادل اللي بالغلا ساقني سووووق

البعد مايثر حزازات وفراق***** اللي يثر بعد عاشق لمعشوووق

قربك يسلي خاطري كل ماضاااق**** وانته ثقه وانا على السد ماثوووووق

قل تم كلمة تم تفتحلها آفااااق**** باقات ورد ورد ماهيب في السووووق

تحياتي فارس

[^بمبوسه^]

تسري بي همومي على كل مشراق
يشفق على حالي سقيمن ومشفوق

النداوي تسلم شاعرنا الكبير على هالكلمات الرائعة


وأنا على الوقفات صابر وتفاق **** أصبر ولو صدري من الهم محروق

يروقلي من طيب القول ماراق **** جواهرً مخزونها وسط صندوق

والكيف سوقه يأبيض الوجه ينساق***** خلك ثقيل ولا تجي رجل مطفوق


أخوي الغالي فارس

صح لسانك وتسلم يمينك على ما أبدعت

بس توني أعرف أنك شاعر بصراحة رووووووووووعة الكلمات والألقاء

بصراحة أشتقنا لهالكلمات الحلوة وايد

[النداوي]

هههههههه:)والكيف سوقه يأبيض الوجه ينساق***** خلك ثقيل ولا تجي رجل مطفوق

مطفوووووق مره وحده ماقول الا لب قلبك وياحلوك وياحلو ردك

[فارس الريشة]

هلا والله بحبايب قلبي كيفكم شخباركم ؟

مشكوووووووووووووووورين على الكلام الحلو بمبوسه والنداوي .. لا خلى ولا عدم يالغالين خلاص من اليوم ورايح بصير شاعر وبعتزل الرسم هههههههههه

والكيف سوقه يأبيض الوجه ينساق***** خلك ثقيل ولا تجي رجل مطفوق

تعرف الخال دائماً يقدم النصيحه للولد مع أنه هو يحتاج للنصيحه خخخخخخخخخ

حبيبي النداوي أنت أكبر من هالكلام ذا كله ..

تحيتي بقدر محبتي لكم جميعاً

فارس الريشة

[وسن]

السلام عليكم ورحمة الله

يعطيك العافية يالنداوي على الكلمات الرائعة !!

[النداوي]

شكرأ يالعنود ولاهنتي على المرور

[kamalhob]

وأنا على الوقفات صابر وتفاق **** أصبر ولو صدري من الهم محروق

يروقلي من طيب القول ماراق **** جواهرً مخزونها وسط صندوق

و يعطيك العافية يالنداوي على الكلمات الرائعة

[النداوي]

شكرأ اخي كمال على المرور .......