^أنــــــا^أستــــــــاهـــــــــــــــــل^

[^منورررا^]

للمره الثانيه أنقل لكم تحفه فنيه رائعه لكن هذه التحفه ليست بالالوان وانما بالكلمات الناعمه المليئه بنسيم الحزن الراقي
نشكر شاعرنا المخضرم على ابداعه
][][§¤°^°¤§][ مسيووو][§¤°^°¤§][][

جماهير الشعر صارت أذا تبغى قصيد أحزان ... يطروني وهم يدرون من ابداعي تذكرتّك

ذكرتك وأمي تدعيلي بعروسِِ حسنها فتان ... تقول الله متى أشوفك عريس وزاهيٍ بشتك

دقايق غيبتك كانت ثوانيها دهر وأزمان ... وظلم يسكن عيوني أذا مر يوم ما شفتك

تصّور من كثر ماني كنت العاشق الولهان ... خيالي أحسده ليمن بأذهاني تصورتك

قصيدِِ قلته بحبك ذهل أجمـل بنات الجان ... قصايدٍ تفجر بأعماقـي أذا همت وتخيلتك

عطيتك كل دفا أحساسي وبت بليلتي بردان ... يموت من الجفا نبتي ويزهر بالدفا نبتك

وهبتك مركب أشواقي وأنت قـايدها والربان ... وقلت ابحر على كيفك وعنان الروح سلمتك

لهيـب أشواقك أتعبني قتل فيني طموح أنسان ... حتى أبسط طموحاته ضاقت فيـها مخيلتك

برود أحساسك الثلجي قتلني بخنجر الحرمان ... ولأني أعشق أخطائك وعلى طعنك تشكرتك

بفهم وشتبي قلي تبيني أنحني وأنهان ... خضوعي أكبر أهدافك وأنا مذكر أبد هنتك

نهر حبك أجي منه دايم ضاميٍ عطشان ... وأصير الكافر بعينك أذا بالحب عاتبتك

ياقلبي دخيلك بس شفني منكسر تعبان ... تبعتك حتى أخرتك لا رادها الله أخرتك

مـاأستـــاهل سواتك بي وانــا من نسل وثلان ... لا .. بالــله انــا استــاهل لأني مــاتجـــاهلتك

شبابي ياصفا أيامي سامحني أنا الغلطان ... ضاعت أروع أيامك مع التافه وضيعتك

ساذج يوم أنا ضنيت لي تفارقنا أنا الخسران ... ولكني عرفت أن الخساره يوم معرفتك

أنا المكسب لامثالك خسرتي أنبل الفرسان ... وروحي لتافهِِ مثلك يكمل باقي مهزلتك

[المستشار]

منووراا ماادري شأقـولج

انتي الخييرو البركـه .. ماصرت شاعر إلا على ايديـنج :)

لج كل الشكـر ..

وهذي اهـــدااء لشــخص عاارف نفســه ^-^

لا هنـــتي يالغاليــــــه ...

تحيــــــاتي :)

[دمعة شوق]

تسلمي منورا على الاختيار الرائع

دمتِ بود

[^منورررا^]

ثانكيوو مسيوو أولا

ثانيا أنت شاعر بحد ذاتك أنا ما سويت أي شي

ودمت شاعرنا اللي نرفع فيه الراس

[^منورررا^]

الله يسلمج دمعة الشووق

البركه بشاعرنا

[تمثال الحريه]

صح لســــانك يالمستشــــار على هيـــك قصيده

ولاهنتي خيتوو منورا على النـــقل اللي بكل صراحه المره هذي مختلف عن سابقه من قصـــايد المستشـــار

بالتوفيق اخوي المستشـــار

و ع القوه ان شاء الله

كل الود

[المستشار]

صح بـدنك اخوي تـمثال

مشـكور على إبداء رأيـك ..

الجـاي احلـى ان شاء الله :)


كل الشـكر لـمنووورا ... الله يعطيهاا العافيه ..

[^منورررا^]

بصراحه ما هقيتها من أعضاء الريشه ما يدخلون على شعر للمسيووو


الظاهر اسمي نحس عليه

[^بمبوسه^]

يسلمووو على القصيده الحلووه
الله يعطيكم العافيه كلمات حلوه
ثانكيوو مسيووو لا عدمنا كلماتك
مشكوره منورررا على العرض

[^منورررا^]

ثانكيووو بمبوسه على المرور تسلمين حبيبتي

الشكر اشاعرنا الكبير

[المستشار]

الله يعافيج بمـبموسه ..

وتسـلمين منوورا :)

[^منورررا^]

الله يسلمك يالغالي

ما سوينا شي

وتستاهل أكثر وأكثر


http://gallery.7oob.net/data/media/9/2711_c.jpg

[logicx]

الف شكر أختي منورررا على الموضوع تحياتي لك